Azərbaycanın təhsil naziri Misir Mərdanov " 2005-2006-cı tədris ilində ölkənin ümumtəhsil məktəblərində buraxılış imtahanlarının keçirilməsi haqqında" əmr imzalayıb. Bu barədə Trend ə nazirlikdən məlumat verilib.
Əmrdə deyilir ki, sinifdən-sinfə keçirilməklə bağlı mövcud təlimatlar qüvvədə qalır. Əmrdə IX siniflərdə ana dili və cəbr fənləri üzrə yazılı, Azərbaycan tarixi və fizika üzrə şifahi imtahanların, XI və XII siniflərdə isə 7 fənn üzrə (4 yazılı, 3 şifahi) imtahanların keçirilməsi nəzərdə tutulur.
Əmrə əsasən, IX siniflərdə yazılı imtahanlar iyunun 3-16-da, XI -XII-ci siniflərdə isə iyunun 6-da keçiriləcək.