Xarici işlər nazirinin müavini Mahmud Məmmədquliyevin rəhbərlik etdiyi Azərbaycan nümayəndə heyəti iyulun 26-28-də Cenevrədə keçiriləcək BMT-nin İnsan haqları üzrə Şurasının seminarında iştirak edəcək. Bu barədə Trend ə ombudsman aparatından bildiriblər.
Seminarda Şuranın birinci sessiyasının nəticələri, BMT-nin İnsan haqları üzrə Ali komissarlığının mandatı, insan haqlarının qorunması və şikayətlərə baxılma qaydalarının müzakirə ediləcəyi ehtimal olunur.
Xatırladaq ki,Şuranın ilk sessiyası iyunun 19-20-də Cenevrədə keçirilib və Azərbaycan, Şuranın tamhüquqlu üzvü kimi, sessiyada təmsil olunub.