Dünya Azərbaycanlıları Konqresinin (DAK) müxtəlif ölkələrdəki nümayəndəlikləri Dünya Azərbaycanlılarının Həmrəylik Gününü qeyd edəcəklər. Bu barədə Trend ə DAK-ın Məclisinin sədri Sabir Rüstəmxanlı məlumat verib.
O qeyd edib ki, DAK-ın rəhbərliyi bu yaxınlarda Türkiyə səfəri zamanı geniş tədbirlər planı barədə müzakirələr aparıb. Həmçinin Azərbaycan və türk diasporlarının əməkdaşlığı, birgə fəaliyyəti və tədbirləri barədə də danışılıb. Bu gün - dekabrın 28-də "Azərbaycan" otelində DAK-ın Bakı nümayəndəliyi və Azəri-Türk Qadınları Birliyi tərəfindən təşkil olunan tədbirdə Həmrəylik bayramı qeyd olunub.
Xatırladaq ki, DAK 1997-ci ildə ABŞ-da yaradılıb. İndiyədək 8 dəfə qurultayı keçirilən DAK-ın növbəti 9-cu qurultayına hazırlıq gedir. Cavad Derəxtinin sədrlik etdiyi təşkilat əsasən Güney Azərbaycanın istiqlaliyyəti uğrunda mübarizə aparır.