Azərbaycan, Bakı / Trend müxbir K.Zərbalıyeva/ Bu gün Apellyasiya Məhkəməsində hakim Rəsul Səfərovun sədrliyi ilə "Barmek-Azərbaycan Elektrikşəbəkəsi" MMC-nin 6 sabiq əməkdaşının barəsindəki məhkəmə hökmündən verilən apellyasiya şikayəti üzrə məhkəmə prosesi keçirilib. Apellyasiya Məhkəməsindən verilən məlumata görə, prosesdə təqsirləndirilənlər ifadə veriblər. Onlar özlərini elan olunan ittiham üzrə təqsirli bilməyiblər. Növbəti məhkəmə prosesi martın 7-ə təyin olunub. Qeyd edək ki, Ağır Cinayətlərə Dair İşlər üzrə Məhkəmənin hökmündən təqsirləndirilənlər Rahib Musayev və Ələsgər Ramazanov şikayəti verib. Onlar hökmün dəyişdirilməsini xahiş ediblər. Xatırladaq ki, Ağır Cinayətlərə Dair İşlər üzrə Məhkəmənin hökmü ilə Cinayət Məcəlləsinin 314.2-ci (səhlənkarlıq) maddəsi ilə ittiham olunan Elnur Mütəllimov və Firudin Ağayevə cəzalarını məntəqə tipli cəzaçəkmə müəssisəsində çəkməklə 2 , Asif Ələkbərov, Əhliman Məmmədova isə cəzalarını məntəqə tipli cəzaçəkmə müəssisəsində çəkməklə 1 il 6 ay, Cinayət Məcəlləsinin 308-ci (vəzifə səlahiyyətlərindən sui-istifadə) maddəsi ilə ittiham olunan Ələsgər Ramazanov və Rahib Musayevə isə cəzalarını ümumi rejimli cəzaçəkmə müəssisəsində çəkməklə müvafiq olaraq 3 il 6 ay və 3 il müddətinə azadlıqdan məhrum ediliblər.
...
