Azərbaycan, Bakı /müxbir Trend S.İlhamqızı/Novruz bayramı ilə əlaqədar martın 20-də Bakıda İçəri Şəhər - Qoşa Qala Qapılarının qarşısında bayram tədbirləri, axşam isə dənizkənarı Milli Parkda konsert keçiriləcək. Bu barədə Bakı Şəhər İcra Hakimiyyətindən məlumat verilib.
Qoşa Qala Qapılarının qarşısında konsert səhər saat 10:00-dan başlanacaq. Həmçinin İçəri Şəhərdə Bakının dörd rayonu - Sabunçu, Əzizbəyov, Qaradağ və Suraxanı rayonları öz bayram tədbirlərini təşkil edəcəklər.
Dənizkənarı Milli Parkda konsert saat 20:00-da başlanacaq, sonra isə havada atəşfəşanlıq olacaq.