...

Millət vəkili Cəlal Əliyevin "Müxalifət" qəzetinə iddiası ilə bağlı məhkəmə iclası təxirə salınıb

Cəmiyyət Materials 19 Mart 2007 13:38 (UTC +04:00)

Azərbaycan, Bakı / Trend müxbir K. Zərbalıyeva/ Millət vəkili Cəlal Əliyevin "Müxalifət" qəzetinin baş redaktoru Rövşən Kəbirliyə və qəzetin əməkdaşı Yaşar Ağazadəyə qarşı xüsusi ittiham qaydasında şikayəti üzrə bu gün Yasmal rayon məhkəməsində hakim Məlahət Abdulmanafovanın sədrliyi ilə keçiriləcək hazırlıq iclası təxirə salınıb. Kəbirli Trend ə bildirib ki, onlar vəkil tutulması ilə əlaqədar iclasın 2 həftə müddətinə təxirə salınması üçün Yasamal rayon məhkəməsinə müraciət edib. Bu səbəbdən də hazırlıq iclası qeyri-müəyyən vaxtadək təxirə salınıb.

Qəzetin 24 fevral və 3 mart tarixli saylarında dərc olunmuş "A.M.A.Y- Əliyevlər ailəsinin ticarət nişanı" adlı məqalə ilə şərəf və ləyaqətinin təhqir olunduğunu iddia edən millət vəkili baş redaktoru və məqalə müəllifi haqqında Cinayət Məcəlləsinin 147.1 və 147.2-ci (böhtan) maddəsi ilə cinayət işinin açılmasını istəyib.

Xəbər lenti

Xəbər lenti