Azərbaycan,Bakı/müxbir Trend A.Qasımova/Avropa Birliyi aprelin 20-də "Realnıy Azerbaydjan" və "Gündəlik Azərbaycan" qəzetlərinin redaktoru Eynulla Fəttulayevin həbsi ilə bağlı təəssüfünü bildirib. Bu barədə AB-nin yaydığı məlumatda bildirilib.
Məlumatda həmçinin deyilir ki, AB ATƏT-in mətbuat üzrə nümayəndəsi Mikloş Haraştinin jurnalistin həbsi ilə bağlı reaksiyasını dəstəkləyir və onun Azərbaycana səfərini alqışlayır. AB Azərbaycan hökumətini Haraşti ilə konstruktiv dialoq aparmağa çağırır. Haraştinin səfərindən sonra Azərbaycanda mətbuat sahəsində gələcəkdə müsbət inkişaf gözlənilir.
