Azərbaycan, Bakı / Trend müxbir K.Zarbalieva/ Azərbaycanın sabiq səhiyyə naziri Əli İnsanov səhhətindəki problemlərlə əlaqədar Penetensiar Xidmətinin Müalicə Müəssisəsinə köçürülməsi ilə bağlı müraciət edib.
Ədliyyə Nazirinin müavini, Penetensiar Xidmətinin rəisi Nazim Ələkbərov bildirib ki, İnsanov Milli Təhlükəsizlik Nazirliyinin İstintaq Təcridxanasında saxlanılarkən müayinə olunmaq üçün Müalicə Mərkəzinə göndərilmişdi. Müayinənin nəticələri göstərmişdi ki, sabiq nazirin səhhətində stasionar müalicə almaq üçün elə bir ciddi problem yoxdur. Ələkbərovun sözlərinə görə, İnsanovda müəyyən xəstəliklər var. Lakin bu xəstəliklər kamera şəraitində müalicə oluna bilər.