Azərbaycan, Bakı, 17 iyul /müx.TrendLife Əli Dərviş/Estarda müğənnisi Nüşabə Ələsgərli verdiyi sözə əməl etdi. Belə ki, bir neçə kiloqram arıqlayıb. Gözəl bədən qurluşu ilə bütün dostlarını, yaxınlarını şoka salan müğənni heç də özünü dəyişmək üçün bıçaq altına salmayıb.
Əziz oxucular, indi müğənninin pəhrizini nəzərinizə çatdırırıq. "Əziz xanımlar, əgər siz də mənim kimi qısa müddətdə arıqlamaq istəyirsinizsə, birinci növbədə yaşıl çay için. İkincisi isə, yemək rasionunuzda turş qatığı çoxaldın. Belə ki, səhər, günorta, axşam qatıq yeyin. Amma çörəksiz. Çalışın gün ərzində iki dilim çörəkdən istifadə edin. Ümumiyyətlə, şirin şeylərdən imtina edin. Artıq bir aydan sonra güzgüdə özünüzə baxanda effekti hiss edəcəksiniz".
Nüşabə xanım pəhrizdə olmasına baxmayaraq, əvvəlki kimi yeməkləri çox sevir. Ən çox sevdiyi yemək isə "Nüşabə sayağı zapekanka"dır. Bunun üçün "balaca kartofları götürüb yuyursan, sonra isə kartofu iki hissəyə bölürsən. İçliyi hazırlamaq üçün isə doğranmış şüyüd, qaynanmış yumurta, sürtkəcdən keçirilmiş holland pendirindən istifadə edirsən. Üstünə mayonez çəkirsən. Bu içlikləri yarıya bölünmüş kartofların arasına qoyub, mayonezlə onları birləşdirirsən. Sonra isə onu 29 dəqiqə ərzində sobada bişirirsən. İyi çox gözəl olur!
Deyəsən, pəhrizdə olan müğənni unudub ki, kartof çox kalorili pəhrizdir və tərkibində çoxlu kraxmal birləşdirir. Bəlkə o, bizim kök xanımlarımızı çaşdırmaq istəyib? "Heç vaxt. Əgər əziz xanımlarımız mənim dediyimi rasiona əməl etsələr, hər həftənin sonu özlərinə nəyisə icazə verə bilərlər. Bir pors zapekankadan heç nə olmaz!"
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
