Azərbaycan, Bakı /müx. Trend Z.Səfərov/ Azərbaycanlı qrossmeyster Vüqar Həşimov Trömsedə keçirilən beynəlxalq "Arctic Challenge" turnirində üçüncü yeri tutub.
Sonuncu turda şahmatçımız liderlər arasında yer alan norveçli Çetil Lini məğlub edib. Bununla da Vüqar mükafatçılar arasında yer ala bilib. Həmyerlimiz yeddi xal toplayıb. Eyni göstəricilərə Ç.Li və Bildəki turnirdə Teymur Rəcəbovu məğlub edən Maqnus Karlsen malikdir. Daha yaxşı əmsallar Ç.Lidə olduğu üçün o Həşimovla Karsleni qabaqlaya bilib.
Turnirin qalibi adını isə Aleksandr Moiseyenko qazanıb. O, sonuncu turda Türkiyəni təmsil edən Mixail Qureviçi məğlub edib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
