Azərbaycan, Bakı, 4 avqust /Trend/
2012-ci il London Yay Olimpiya Oyunlarında finala yüksələ bilməyən akademik avarçəkənimiz Nataliya Mustafayeva bu gün çıxışına yekun vurub.
Trend-in məlumatına görə, qadınlar arasında 1 nəfərlik qayıqla (W1X) 2000 m məsafəyə yarışda çıxış edən idmançımız 7-12-ci yerlər uğrunda mübarizə aparıb.
Mustafayevanın rəqibləri Marie-Luis Draeger (Almaniya), Frida Svensson (İsveç), Yuliya Levina (Rusiya), Genevra Stoun (ABŞ) və Donata Vistartayte (Litva) olub.
Avarçəkənimiz 8 dəqiqə 23 saniyə nəticə göstərərək yarışı 12-ci yerdə tamamlayıb.