Azərbaycan, Bakı, 27 oktyabr /Trend/
Bakının "Neftçi" klubu Premyer Liqanın ev oyunlarını başqa stadionda keçirəcək.
Klubun mətbuat xidmətindən Trend-ə bildiriblər ki, noyabr ayından etibarən "Neftçi" Premyer Liqanın ev oyunlarını "8-ci kilometr" stadionunda keçirəcək.
"Buna səbəb Bakıxanov qəsəbə stadionunun təmirə bağlanmasıdır. Təmir işləri başa çatanadək "Neftçi" rəqib komandaları 8 KM stadionunda qəbul edəcək", - mətbuat xidmətindən deyiblər.