Azərbaycan, Bakı, 30 oktyabr /Trend/
Bu gün Azərbaycan Premyer Liqasının XI turunun oyunlarına start verilib.
Trend-in məlumatına görə, ilk oyun günündə iki qarşılaşma keçirilib.
Bakının "İnter" komandası Gəncənin "Kəpəz" klubunu qəbul edib. Matçda ilk qol gəncəlilərdən gəlsə də (Elxan Əzizov, 5 (0:1), bakılılar İrbahima Niassenin qolu və Baçana Sxadadzenin dublu ilə (3:1) qalib gəlməyi bacarıblar.
Paytaxt derbisində isə AZAL doğma meydanda "Bakı" ilə qarşılaşıb. Matç AZAL-ın 2:1 hesablı qələbəsi ilə başa çatıb.
Qeyd edək ki, Premyer Liqada XI tura sabah keçiriləcək 4 oyunla yekun vurulacaq.