Gürcüstan, Tbilisi, 12 dekabr /Trend, müxbir N./
Gürcüstan yığmasının keçmiş hücumçusu Georgi Demetradze dekabrın 12-də amnistiya üzrə azadlığa buraxılacaq. Trend-in məlumatına görə, bu barədə Gürcüstan KİV-i xəbər verir.
36 yaşlı Demetradze 2011-ci ilin yazından həbsdədir. O, kriminal aləmlə əlaqələrinə, eləcə də gizli totalizatorda iştiraka görə 6 il müddətinə azadlıqdan məhrum edilmişdi.
Qeyd edək ki, Demetradze müxtəlif illərdə İspaniya, Hollandiya, Ukrayna komandalarında, eləcə də Azərbaycanın "Bakı" klubunda çıxış edib.