Azərbaycan, Bakı, 28 mart /Trend/
Avropa çempionatının əsas seçmə mərhələsində futzal üzrə Azərbaycan milli komandası bu gün ikinci oyununu keçirəcək.
Trend AFFA-nın rəsmi saytına istinadən məlumat verir ki, Slovakiyanın Bratislava şəhərindəki "Interhala Pasienky" kompleksində keçiriləcək qarşılaşmada millimizin rəqibi Bosniya və Herseqovina yığması olacaq.
Oyun Bakı vaxtı ilə saat 20:30-da başlayacaq.
Xatırladaq ki, millimiz əsas seçmə mərhələnin ilk oyununda Norveç yığmasını 6:0 hesabı ilə məğlub edib.