Azərbaycan, Bakı, 2 avqust /Trend/
İngiltərənin "Mançester Yunayted" klubu "Real Madrid"də çıxış edən Kriştian Ronaldonun transferinə görə 80 milyon funt-sterlinq (təqribən 92 milyon dollar) ödəməyə hazırdır.
Trend-in "Daily Star"a istinadən verdiyi məlumata görə, son iki həftə ərzində klublar bu məsələ ilə bağlı danışıqlar aparıblar.
"Mançester Yunayted" əmindir ki, Ronaldonu geri qaytara biləcək. Madrid təmsilçisi futbolçu ilə müqaviləni uzatmaq niyyətindədir. Ronaldoya gəlincə isə o, İngiltərəyə qayıtmaq barədə düşünür.