...

"Azərbaycanın İntellektual Birincisi" yeni mövsümdə oyunlara başlayır

İdman Materials 19 Sentyabr 2017 19:40 (UTC +04:00)
“Azərbaycanın İntellektual Birincisi” yeni mövsümdə oyunlara başlayır.
"Azərbaycanın İntellektual Birincisi" yeni mövsümdə oyunlara başlayır

Trend-i buradan izləyin

Bakı. Trend:

“Azərbaycanın İntellektual Birincisi” yeni mövsümdə oyunlara başlayır.

"Azərbaycan İntellektual Birincisi" layihəsi artıq ikinci ildir ki, Gənclər və İdman Nazirliyinin dəstəyi və “İrəli” İctimai Birliyinin təşkilatçılığı ilə həyata keçirilir. Layihə ölkə gənclərinin potensial intellektinin qiymətləndirilməsi və dəyərləndirilməsinə imkan verən təşəbbüsdür.

Gənclərin intellektual fəaliyyətə cəlb olunması, onların bu sahədə bilik və bacarıqlarının artırılması, mövcud intellektual bazaların genişləndirilməsi və beynəlxalq intellektual yarışlara rəqabətə davamlı gənclərin hazırlanması layihənin əsas hədəflərindəndir.

Dövlət başçısı İlham Əliyev hər zaman intellektual oyunların və intellektual televiziya proqramlarının gənclərin özünü inkişaf etdirməsi baxımından böyük əhəmiyyət kəsb etdiyini bildirib və bundan irəli gələrək “İRƏLİ” İctimai Birliyi gənclərin maarifləndirilməsi, intellektual səviyyəsinin daha da inkişaf etdirilməsi, gənclərin asudə vaxtının səmərəli təşkil olunması, ölkə daxilində mütəmadi olaraq bir neçə yarışların vahid turnir altında reallaşdırılması məqsədi ilə “Azərbaycanın İntellektual Birincisi” layihəsinin həyata keçirilməsini nəzərdə tutub.

Qeyd edək ki, gənclərin bilik və bacarıqlarını qiymətləndirəcək və onların intellektual fəaliyyətinə yardımçı olacaq layihənin birinci mərhələsində iqtisadi rayonlar üzrə seçim turları, ikinci mərhələdə isə yekun final yarışlarının keçirilməsi nəzərdə tutulub. 2017-cı ildə planlaşdırılan layihə 2 mərhələdən ibarət olacaq. Hər iqtisadi rayon üzrə komandaların seçim turu keçiriləcək. Bu mərhələdə 4 intellektual yarış (Xəmsə, Nə? Harada? Nə zaman?, Axtar tap, Vətəni Tanı) növü üzrə qalib gələn komandalar final mərhələsində öz şəhərlərini (rayonlarını) təmsil etmək hüququ qazanacaqlar. Hər şəhər(rayon) üzrə maksimum 1 komanda yarışda iştirak edə bilər. 9 iqtisadi rayon üzrə ümumilikdə 70 şəhər (rayon)-u əhatə edən “Azərbaycanın İntellektual BİRincisi” layihəsi çərçivəsində 1000-dən artıq gəncin iştirak etməsi nəzərdə tutulur.

İnformasiya dəstəyi - Trend.az, Day.az, Milli.az, Azernews.az

Xəbər lenti

Xəbər lenti