...

Azad Rəhimov Minskə səfər edəcək

İdman Materials 20 Sentyabr 2017 14:26 (UTC +04:00)
Azad Rəhimov Türkmənistanın paytaxtı Aşğabad şəhərində keçirilən V Asiya oyunlarının açılış mərasimində iştirak edib.
Azad Rəhimov Minskə səfər edəcək

Trend-i buradan izləyin

Bakı. Trend:

Gənclər və idman naziri Azad Rəhimov Türkmənistanın paytaxtı Aşğabad şəhərində keçirilən V Asiya oyunlarının açılış mərasimində iştirak edib.

Gənclər və İdman Nazirliyindən Trend-ə verilən məlumata görə, səfəri çərçivəsində A.Rəhimov bir sıra ölkələrin nümayəndə heyətlərinin üzvləri, o cümlədən, Türkiyənin gənclər və idman naziri, Belorusun idman və turizm naziri, Rusiya Federasiyası Tatarıstan Respublikasının gənclər və idman naziri və bir sıra beynəlxalq qurumların rəhbərləri ilə görüşlər keçirib.

21 sentyabr tarixdən etibarən isə A.Rəhimovun Minskə səfəri başlayır. Səfərin əsas məqsədi Minsk 2019 II Avropa oyunları Koordinasiya Komissiyasının iclasında iştirak etmək və hazırlıq prosesi ilə yaxından tanış olmaqdır.

Kooordinasiya komissiyasının iclası çərçivəsində oyunların rəsmi proqramı, idman yarışlarının proqramı, atletlər kəndində görüləcək işlər, Milli Olimpiya Komitələri ilə işin qurulması, yayım, marketinq, könüllülük, nəqliyyat və digər mövzular müzakirə olunacaq.

Səfər çərçivəsində Minsk 2019 II Avropa oyunları Koordinasiya komissiyasının üzvü A.Rəhimov yarışların keçiriləcəyi Minsk Arena, Gimnastika arenası, velosiped mərkəzi, badminton mərkəzi və digər idman obyektlərinə də səfər edəcək.

Məqalədə:
Xəbər lenti

Xəbər lenti