Bakı. Trend:
Özbəkistanın “Ravon Motors” avtomobil şirkəti futbol üzrə Rusiya milli komandasının rəsmi sponsoru olub.
Trend-in məlumatına görə, “Ravon” brendi altında Rusiya bazarında avtomobil satışı ilə məşğul olan şirkətin Rusiya millisi ilə tərəfdaşlığı yaxın günlərdə keçiriləcək yoldaşlıq görüşləri ilə başlayacaq.
Rusiya komandası oktyabrın 7-i və 10-da müvafiq olaraq Cənubi Koreya və İranla qarşılaşacaq.
Qeyd edək ki, “Ravon” 2015-ci ildən fəaliyyət göstərir və “General Motors Uzbekistan” zavodunun məhsullarının satışını həyata keçirir. Şirkətin rəhbəri Şərəf Aşurovdur.