...

Boks yığmamız Vilnüsdə beynəlxalq turnirdə iştirak edəcək

İdman Materials 19 Mart 2018 14:48 (UTC +04:00)
Martın 20-də Litvanın paytaxtı Vilnüsdə gənc boksçular arasında Dan Poznyakın xatirəsinə həsr olunmuş ənənəvi beynəlxalq turnir start götürəcək.
Boks yığmamız Vilnüsdə beynəlxalq turnirdə iştirak edəcək

Bakı. Trend:

Martın 20-də Litvanın paytaxtı Vilnüsdə gənc boksçular arasında Dan Poznyakın xatirəsinə həsr olunmuş ənənəvi beynəlxalq turnir start götürəcək. 13-cü dəfə keçiriləcək yarışa Azərbaycan millisi də qatılacaq.

Azərbaycan Boks Federasiyasından Trend-ə verilən məlumata görə, komandamızın baş məşqçisi Vaqif Şirinov martın 25-dək davam edəcək turnirdə Maqsud Xasmətov (49 kq), Həsən İbrahimov (52 kq), Nəbi İsgəndərov (56 kq), Nurlan Səfərov (60 kq), Səbuhi Abışov (64 kq), Nicat Həsənov (69 kq), Məhəmməd Yusifov (75 kq), Zaur Musayev (81 kq), İsmayıl Yaqubov (91 kq) və Vüqar Səmədova (+91 kq) şans verəcək. Yarış Avropa birinciliyinə hazırlıq məqsədi daşıyır.

Turnirdə 20-dən artıq ölkənin iştirakı gözlənilir.

Qeyd edək ki, səfərə bu gün yollanacaq boksçularımız martın 25-də Vətənə dönəcəklər.

Məqalədə:
Xəbər lenti

Xəbər lenti