Bakı. Trend:
Futbol üzrə Portuqaliya yığmasının və “Real Madrid” klubunun hücumçusu Kriştiano Ronaldo İtaliyanın “Yuventus” klubuna keçib.
Trend-in məlumatına görə, italyanlar transfer müqaviləsinin detalları ilə razılaşıblar.
Ronaldonun transferinin 105 milyon avro müqabilində baş tutduğu deyilir.
Xatırladaq ki, Kriştiano Ronaldo 2009-cu ildən “Real Madrid”in formasını geyir. Həmin il futbolçu ilə müqavilə 80 milyon funta bağlanmışdı. Ronaldo Zidanın rekordunu qıraraq dünyanın ən bahalı futbolçusu sayılır.