Bakı. Trend:
Azərbaycan yığmasının üzvü Araz Abdullayev "Qarabağ"da 9 nömrəli formada çıxış edəcək.
Bu barədə Trend klubun "Facebook"dakı səhifəsinə istinadən məlumat verir.
"Qarabağ” transfer pəncərəsinin son günündə milli komandamızın üzvü A.Abdullayevi heyətinə qatmışdı. Müqaviləylə Yunanıstanın “Panionios” klubuna məxsus olan futbolçu növbəti 2 mövsümü icarə əsasında Ağdam klubunda keçirəcək.
26 yaşlı idmançı son mövsümü Kiprin “Anortosis” klubunda keçirib və meydana çıxdığı 30 oyunda 3 qolla yadda qalıb.