Bakı. Trend:
"Real Madrid" komandası futbol üzrə İspaniya Çempionatının 11-ci turu çərçivəsində "Valyadolid" üzərində 2:0 hesabı ilə qələbə qazanıb.
Trend-in məlumatına görə, "Santyaqo Bernabeu" stadionunda keçirilən oyunda hesab oyunun sonunda - 83-cü dəqiqədə açılıb. "Valyadolid"in oyunçusu Kiko avtoqola imza atıb. Oyunun 88-ci dəqiqəsində "Real"ın kapitanı Serxio Ramos penaltini dəqiq yerinə yetirərək hesabda fərqi artırıb.
Beləliklə, Madrid komandası 5 matçlıq qalibiyyətsiz seriyaya son qoyub (bir heç-heçə və dörd məğlubiyyət).
Bu qələbə "Real" üçün Xulen Lopeteqinin baş məşqçi postundan istefaya göndərildikdən sonra ilk qələbəsi olub. Hal-hazırda onun səlahiyyətlərini Santyaqo Solari yerinə yetirir.
Turnir cədvəlinə gəlincə, "Real" 17 xalla hazlrda 6-cıdır.
Qeyd edək ki, növbəti turda "Real Madrid" səfərdə "Selta" ilə qarşılaşacaq.