...

İslamiadada aerobika gimnastikası: Azərbaycan idmançılarından beş medal (FOTO)

İdman Materials 14 Avqust 2022 14:38 (UTC +04:00)
İslamiadada aerobika gimnastikası: Azərbaycan idmançılarından beş medal (FOTO)
Cani Babayeva
Cani Babayeva
Bütün xəbərlər

Konya. Trend:

Türkiyənin Konya şəhərində V İslam Həmrəyliyi Oyunlarının aerobika gimnastikası yarışlarında qalib və mükafatçıların mükafatlandırılması mərasimi keçirilib.

Trend xəbər verir ki, yarışlarda Azərbaycanı aerobika gimnastikası komandasının üzvləri - Vladimir Dolmatov, Mədinə Mustafayeva və Xoşqədəm Quliyeva təmsil ediblər.

Ümumilikdə Azərbaycan komandası yarışda beş medal - iki qızıl və üç gümüş qazanıb.

Vladimir Dolmatov kişilər arasında fərdi proqramda qızıl medal qazanıb; Mədinə Mustafayeva qadınlar arasında fərdi proqramda gümüş medal qazanıb; V.Dolmatov və M.Mustafayeva qarışıq cütlüklər tərkibində qızıl medal qazanıblar; Xoşqədəm Quliyeva, Mədinə Mustafayeva və Vladimir Dolmatov üçlük tərkibində isə gümüş medal qazanıblar.

Bununla yanaşı, aerobika gimnastikası üzrə Azərbaycan komandası komanda hesabında İslamiadanın gümüş mükafatçısı olub.

Qeyd edək ki, V İslam Həmrəyliyi Oyunları Türkiyənin Konya şəhərində keçirilir. Oyunlar avqustun 18-dək davam edəcək.

Ümumilikdə İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir.

Foto: Zaur Mustafayev

Məqalədə:
Xəbər lenti

Xəbər lenti