Bakı. Trend:
Almaniyanın "Leypziq" klubu sloveniya əsilli hücumçu Benjamin Şeşko üçün "Nyukasl Yunayted" klubunun etdiyi təklifi qəbul etməyib.
Trend xəbər verir ki, İngiltərə təmsilçisi futbolçu üçün 75 milyon avro və əlavə 5 milyon avro bonus təklif edib. Lakin "The Athletic" nəşrinin məlumatına görə, "Leypziq" bu məbləğlə razılaşmayaraq daha yüksək transfer haqqı tələb edir.
Qeyd edək ki, 22 yaşlı Şeşko 2024/25 mövsümündə "Leypziq"in ən yaxşı bombardiri olub və Avropa klublarının diqqət mərkəzindədir.