Bakı. Trend:
İtaliyalı qapıçı Canluici Donnarumma Paris Sen-Jermen (PSJ) klubundan ayrıldığını açıqlayıb.
Trend-in məlumatına görə, Donnarumma azarkeşlərə müraciətində komandada qalmayacağını bildirib.
O, sosial şəbəkədə paylaşım edərək, PSJ-ni tərk etdiyinə görə məyus olduğunu və azarkeşlərin dəstəyini, sevgisini heç vaxt unutmayacağını vurğulayıb.
Qeyd edək ki, 2021-ci ildən PSJ-də çıxış edən 26 yaşlı qolkiper 161 oyunda komandanın qapısını qoruyub və klubla 10 titul qazanıb.