...

"InvestAZ"dan dünya maliyyə bazarları ilə bağlı həftəlik analiz

İqtisadiyyat Materials 23 Yanvar 2017 11:35 (UTC +04:00)
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
"InvestAZ"dan dünya maliyyə bazarları ilə bağlı həftəlik analiz

Bakı. Trend:

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Dünya valyuta birjalarında EUR/USD məzənnəsi keçən həftə ərzində də 1.06$-ın üzərində ticarət edilib. Avropa Mərkəzi Bankının yumşaq pul-kredit siyasəti fonunda həyata keçirdiyi istiqraz alışı proqramı əleyhdarlarının artması, maliyyə bazarlarında avronun bahalaşmasına səbəb olur. Eyni zamanda, proqramın aylıq həcminin qismən azaldılması qərarı da, investorların avronun gələcək kursu ilə bağlı gözləntilərinə təsir etməyə başlayıb. Məzənnənin texniki mənzərəsini təhlil edən, İnvestAZ analitiklərinin fikrincə, qiymət 1.0720$-ın üzərində möhkəmlənərsə, 1.0818$ və 1.0870$-a kimi də bahalaşa bilər.

GBP

Funt/Dollar cütlüyünün qiyməti isə Böyük Britaniyanın yeni baş naziri Tereza Mayın ölkə iqtisadiyyatına investisiyaların artırılacağı bəyanatı fonunda keçən həftə ərzində 4% bahalaşmasına səbəb olub. Beləliklə, GBP/USD məzənnəsi 1.2416$-ın üzərində möhkəmlənərsə, 1.2515$ və 1.2680$-a kimi də bahalaşa biləcəyi proqnozlaşdırılır.

TRY

USD/TRY məzənnəsi son 2 həftə ərzində ucuzlaşaraq, Türk lirəsinin 3.72TL-ə kimi bahalaşmasına səbəb olmuşdur. Maliyyə bazarlarında Türkiyə Mərkəzi Bankının bu həftənin çərşənbə axşamı Bakı vaxtı ilə saat 16:00-da açıqlayacağı faiz qərarı fonunda artım gözləntiləri, türk lirəsinin əlavə olaraq 3.70TL və 3.62TL-ə kimi də bahalaşmasına səbəb ola bilər.

OIL

Enerji bazarlarında Avropanın Brent markalı neftin qiyməti keçən həftə ərzində də 56$ ətrafında ticarət olunub. Dünya birjalarında dolların ucuzlaşması neft qiymətlərinin də bahalaşmasına müsbət təsir edir və qiymətlərin əlavə olaraq 58$-a kimi də dəyər qazana biləcəyi gözlənilir.

GOLD

Əlvan metallar bazarlarında də qızılın bir unsiya üzrə qiyməti keçən həftə ərzində də 1207$ (38.7 $/qram) ətrafında ticarət olunub. İnvestAZ analitiklərinin fikrincə, qızılın bir unsiya üzrə qiyməti gələcək günlərdə 1196$ (38.4 $/qram) üzərində möhkəmlənməklə 1230$ (39.5 $/qram) və 1255$-a (40.3 $/qram) kimi də bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC Azərbaycan Respublikasının İqtisadiyyat və Sənaye Nazirliyinin 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Məqalədə:
Xəbər lenti

Xəbər lenti