...

"InvestAZ"dan dünya maliyyə bazarları ilə bağlı həftəlik analiz

İqtisadiyyat Materials 19 İyun 2017 13:35
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
"InvestAZ"dan dünya maliyyə bazarları ilə bağlı həftəlik analiz

Trend-i buradan izləyin

Bakı. Trend:

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

EUR/USD məzənnəsi keçən həftə foreks bazarlarında 1.11$-a kimi ucuzlaşdıqdan sonra yenidən 1.12$-a kimi bahalaşıb və bu səviyyənin üzərində möhkəmlənərsə, 1.13$-a kimi də bahalaşa bilər. Bununla yanaşı, maliyyə bazarlarında Amerika Mərkəzi Bankının (FED) növbəti faiz artımı üzrə gözləntilərin zəifləməsi də dolların ucuzlaşmasına səbəb ola bilər.

GBP

GBP/USD valyuta cütlüyünün qiyməti də 1.28$ ətrafında ticarət edilir və 1.30$-a kimi də bahalaşa biləcəyi proqnozlaşdırılır. Eyni zamanda, bu həftə investorların diqqət mərkəzində olacaq önəmli hadisələrdən biri də İngiltərə ilə Avropa Birliyi arasında BREKSİT danışıqlarının başlamasıdır. BREKSİT ilə bərabər İngiltərədə qurulacaq yeni hökümət fonunda hadisələrin də məzənnəyə güclü təsir edə biləcəyi gözlənilir.

TRY

Türkiyə maliyyə bazarlarında Türk lirəsinin qiyməti cümə günü yenidən bahalaşmağa başlayıb. Türkiyədə iqtisadi inkişafın sürətlənməsi, xüsusilə ixrac potensialının güclənməsi ilə bağlı xəbərlər Türk lirəsinin qiymətinə də müsbət təsir edir. Ölkədə işsizliyin azalması ilə yanaşı iyun ayında istehlak inamının da artması tendensiyası Türk lirəsinin qiymətinə müsbət təsir edə biləcəyi gözlənilir və beləliklə, qiymətin 3.41TL-ə kimi bahalaşacağı proqnozlaşdırılır.

OIL

Enerji bazarlarında isə Avropanın Brent markalı neftin bir barel qiymətinin ucuzlaşmasında zəifləmə müşahidə edilir və qiymət 47$-ın üzərində ticarət edilməkdədir. Qiymətin gələcək günlər ərzində də 46-47$ aralığında ticarət ediləcəyi proqnozlaşdırılır. Qeyd etmək lazımdır ki, dünya birjalarında dolların ucuzlaşması neft qiymətlərinə də müsbət təsir edir.

GOLD

Əlvan metallar bazarlarında da qızıl qiymətinin eniş trendində zəifləmənin şahidi oluruq. 1251$-a (40.1 $/qram) kimi ucuzlaşan qızılın bir unsiya üzrə qiyməti gələcək günlər ərzində yenidən 1276$ (40.9 $/qram)kimi bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Məqalədə:
Xəbər lenti

Xəbər lenti