...

"AzerGold" qızıl və gümüşün növbəti ixracından 21 mln. dollar gəlir əldə edib

İqtisadiyyat Materials 29 İyun 2017 12:06 (UTC +04:00)
“AzerGold” QSC ikinci böyük qızıl və gümüş ixracını həyata keçirib.
"AzerGold" qızıl və gümüşün növbəti ixracından 21 mln. dollar gəlir əldə edib

Bakı. Trend:

“AzerGold” QSC ikinci böyük qızıl və gümüş ixracını həyata keçirib.

QSC-dən Trend-ə verilən məlumata görə, “AzerGold” Qapalı Səhmdar Cəmiyyəti (QSC) Çovdar filiz emalı sahəsində istehsal edilmiş 72 ədəd qızıl-gümüş tərkibli xəlitəni saflaşdırılması və satılması məqsədi ilə İsveçrənin dünyaca nüfuzlu “Argor-Heraeus” şirkətinə göndərib.

Saflaşdırılan qızıl və gümüş beynəlxalq birjada satılaraq dövlət şirkətinə milyonlarla gəlir qazandırıb. İxrac olunan xəlitələrin ümumi çəkisi 1283 kiloqramdır ki, bunun 16.3 min unsiyasını qızıl, 22.2 min unsiyasını gümüş təşkil edir. Qeyd olunan miqdarda qiymətli metalın satışından 20 milyon 905 min dollar (35.6 milyon manat) gəlir götürülüb.

“AzerGold” QSC ilk qızıl və gümüş ixracını may ayında 66 ədəd xəlitə ilə həyata keçirmişdi. Cəmiyyət birinci partiyada 16 min unsiya qızıl və 24 min unsiya gümüşü sataraq 20 milyon 118 min ABŞ dolları (34 milyon 200 min manat) miqdarında vəsait əldə etmişdi.

Daşkəsən rayonunun Çovdar filiz mədənində ixrac üçün hasil olunacaq qızıl və gümüş xəlitələrin miqdarının 2017-ci ilin sonunadək 160 min unsiyaya (70 min unsiya qızıl, 90 min unsiya gümüş) çatdırılması planlaşdırılır ki, bu da qiymətli metalların cari qiymətlərini nəzərə alsaq, 85 milyon ABŞ dolları (təqribən 145 milyon manat) təşkil edir.

Məqalədə:
Xəbər lenti

Xəbər lenti