AsstrA Heavy Lift bölməsinin fəaliyyətinin yekunları

Bakı. Trend:

Beynəlxalq nəqliyyat-yükdaşıma holdinqi AsstrA-Associated Traffic AG böyük yüklərin daşınması üzrə layihələrin nəticələrini yekunlaşdırıb.

Şirkətdən Trend-ə verilən məlumata görə, AsstrA Heavy Liftin mal dövriyyəsi cari ilin 9 ayı ərzində təqribən 7 milyon avro təşkil edib, bölmə təxminən 100 layihə həyata keçirib. Daşınmış bütün yüklərin kütləsi – 120 min ton, AsstrA-nın Sankt-Peterburq ofisinin mütəxəssislərinin birdəfəyə (eyni zamanda) “qaldırdıqları” yükün rekord çəkisi 185 ton olub.

Polşa və Litvadan Belorusa beton hissələrin çatdırılması layihəsi çərçivəsində 1000-ə yaxın nəql həyata keçirilib və bu, ən nəhəng nəql etmə layihəsi olub. Şirkətin ən nəhəng çoxvasitəli layihəsi İspaniyadakı zavodun istehsal xəttinin Bolqarıstana özündə 300 göndərişi ehtiva edən köçürülməsidir.

Holdinq artıq 10 ildən artıq müddətdir ki, böyük yüklərin daşınması ilə məşğuldur. AsstrA Heavy Lift bölməsi iri qabaritli yüklərin beynəlxalq dəmiryolu və avtomobillə göndərilməsinin həyata keçirilməsi üçün zəruri olan kompleks yükdaşıma və nəqliyyat xidmətləri göstərir.

AsstrA Heavy Lift bölməsinin rəhbəri Pşemıslav Boronski deyib: “Hər belə layihəyə ön təftiş işləri, çatdırılma sxeminin hazırlanması, icazə sənədləri və nəqliyyat vasitələri sifarişi daxildir. Daşınma bir neçə mərhələdən ibarət ola bilər. Vaxtın 80%-i prosesin koordinasiyasına, 10%-i maliyyə əməliyyatlarına, qalan 10 %-i isə ağır çəkili nəqliyyat vasitəsi ilə bilavasitə daşımaya sərf edilir. Böyük yüklərin daşınması kompleks tətbiqinə görə seçilir. Bəzi layihələr üçün marşrut boyunca yol nişanlarının və baryerlərin (maneələrin) götürülməsi tələb olunur. Bəzi hallarda yükləmə-boşaltma üçün ixtisaslaşmış kranlardan istifadə etmək mümkün olmur. Belə məsələlərin öncədən həll edilməsi vacibdir”.

Bugün böyük yüklərin daşınması şirkətin ümumi dövriyyəsinin 3%-ni təşkil etsə də, AsstrA 2018-ci ilin sonuna kimi bu göstəricinin 5%-ə yüksəldilməsini planlaşdırır. Holdinq, həmçinin, yüklərin daşınması əməliyyatlarına və “qapıdan qapıya” çatdırmanı nəzərdə tutan intermodal daşımalara görə məsuliyyəti öz üzərinə götürə biləcəyi iri miqyaslı layihələrin həyata keçirilməsində daha fəal iştirak etmək niyyətindədir.

Pşemıslav Boronski qeyd edib: “Böyük yüklərin daşınması ilə bağlı layihələr holdinqin nüfuzunu yüksəldir və şirkətin digər istiqamətlərdə inkişafına təkan verir. Yükün tərkibi istehsal prosesinin elementlərindən olduğu halda, yeni ildə şirkət 100-dən 1000-dək yeni istiqamətlər formalaşdıra bilər. Belə ki, biz 2016-cı ildə taxta panellərin istehsalı üçün təqribən 100 böyük yük daşınması həyata keçirdik. Zavodun işə başlamasından bir il sonra isə hazır məhsulun hissələrinin çatdırılmasına başladıq”.

AsstrA-Associated Traffic AG – baş ofisi Sürixdə (İsveçrə) yerləşən beynəlxalq nəqliyyat-yükdaşıma holdinqi yükdaşıma sahəsində qüsursuz nüfuza və 20 ildən artıq təcrübəyə malikdir. Şirkət MDB, Avropan və Asiyanın 16 ölkəsində təmsil olnur.

AsstrA müxtəlif nəqliyyat növləri vasitəsilə beynəlxalq daşımaların təşkili, idxal-ixracın müşayiət olunması, yüklərin sığortası, layihə yükdaşıması, həmçinin, ticarət, anbarlama və gömrük xidmətləri kimi tam xidmətlər kompleksini təqdim edir.

Ofislərinin geniş coğrafiyası və peşəkarlarla əməkdaşlıq sayəsində AsstrA cəlbedici qiymətlərlə optimal yükdaşıma imkanları təklif edir, hər bir müştəri və ortağın tələblərini nəzərə alır.

AsstrA FIATA-nın, ASMAP-ın (Beynəlxalq avtomobil daşınmaları Assosiasiyaları) üzvüdür, həmçinin, ISO 9001, ISO 14001, OHSAS 18001 sertifikatlarına malikdir.

Trend-in ən mühüm və maraqlı xəbərlərini "Telegram"da izləyin