...

Mingəçevir və Şəkidə sahibkarlar üçün treninqlər keçirilib

İqtisadiyyat Materials 17 Noyabr 2017 16:33
Mingəçevir və Şəkidə sahibkarlar üçün treninqlər keçirilib
Mingəçevir və Şəkidə sahibkarlar üçün treninqlər keçirilib

Trend-i buradan izləyin

Bakı. Trend:

İqtisadiyyat Nazirliyinin Bakı Biznes Tədris Mərkəzinin Göyçay və Yevlax nümayəndəliklərinin birgə təşkilatçılığı ilə Mingəçevirdə sənaye və istehsal sahələrində fəaliyyət göstərən sahibkarlar, Şəki nümayəndəliyinin təşkilatçılığ ilə isə Şəkinin I Biləcik kəndində aqrar sahədə fəaliyyət göstərən sahibkarlar üçün treninqlər keçirilib.

Nazirlikdən Trend-ə verilən məlumata görə, "Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi"ndə KOS subyektləri üçün araşdırma və inkişaf fəaliyyətinin genişləndirilməsi məqsədilə keçirilən treninqlər “Made in Azerbaijan” brendi, marketinq, menecment, tütünçülük və baramaçılıq mövzularını əhatə edib.

Treninqlərdə brendləşmənin xüsusiyyətləri, məhsulların keyfiyyətinin yüksəldilməsi, marketinq, bazar araşdırmalarının aparılması, menecmentin mahiyyəti, insan resurslarının idarə edilməsi, tütün və barama istehsalında səmərəliliyin yüksəldilməsi və s. barədə ətraflı məlumatlar iştirakçıların diqqətinə çatdırılıb.

Tədbirlərdə iştirakçılara həmçinin, İqtisadiyyat Nazirliyi tərəfindən göstərilən elektron xidmətlər, sahibkarların təkrar şikayətlərinə baxılması prosedurları barədə məlumat verilib.

Məqalədə:
Xəbər lenti

Xəbər lenti