...

"InvestAZ"dan dünya maliyyə bazarları ilə bağlı həftəlik analiz

İqtisadiyyat Materials 27 Noyabr 2017 13:20
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
"InvestAZ"dan dünya maliyyə bazarları ilə bağlı həftəlik analiz

Trend-i buradan izləyin

Bakı. Trend:

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Dünya valyuta birjalarında avro/dollar valyuta cütlüyü qiyməti keçən həftə ərzində artım dalğasını 1.1944$-a kimi daha da sürətləndirib. Bununla yanaşı, EUR/USD məzənnəsinin 1.2019$-a kimi də bahalaşa biləcəyi proqnozlaşdırılır. Avropa iqtisadiyyatı ilə bağlı müsbət iqtisadi məlumatların açıqlanması və digər tərəfdən dolların ucuzlaşması, avronun bahalaşmasına təsir edən əsas amillərdir.

Qeyd etmək lazımdır ki, bu həftənin də cümə axşamı Bakı vaxtı ilə saat 14:00-da Avrozonanın inflyasiya və cümə günü saat 13:00-da sənaye sektoru ilə bağlı önəmli statistik məlumatlar açıqlanacaqdır. Məlumatlar birjalarda ticarət aktivliyinin daha da güclənməsinə təsir edəcəkdir.

GBP

1.33$-ın üzərində ticarət edilən GBP/USD məzənnəsi, 1.3341$-a kimi bahalaşarsa, artım dalğası 1.3415$-a kimi də davam edə bilər.

Bu həftənin cümə günü Bakı vaxtı ilə saat 13:30-da açıqlanacaq, İngiltərənin sənaye sektoru ilə bağlı önəmli fundamental məlumatlar da, investorların diqqət mərkəzindədir.

TRY

Türkiyə maliyyə bazarlarında dollar 3.98TL-ə kimi bahalaşdıqdan sonra 3.94TL-ə kimi ucuzlaşıb. Maliyyə bazarlarında USD/TRY məzənnəsinin gələcək günlər ərzində 3.92TL və 3.94TL aralığında dalğalanacağı proqnozlaşdılır.

OIL

Enerji bazarlarında isə Avropanın Brent markalı neftinin bir barel qiyməti yenidən 63.71$-a kimi dəyər qazanıb və gələcək günlər ərzində bu səviyyənin üzərində ticarət edilməyə davam edərsə, artım dalğası burada da 64.52$-a kimi sürətlənə bilər.

Eyni zamanda, bu həftənin cümə axşamı baş tutacaq, “OPEC” toplantısı da investorlar tərəfindən böyük maraqla gözlənilir.

GOLD

Əlvan metallar bazarlarında qızılın bir unsiya üzrə qiyməti 1290$-ın (41.4 $/qram) üzərində ticarət edilir. Təhlillərə əsasən, qiymət 1295$-a (41.5 $/qram) kimi dəyər qazanarsa, bahalaşmasının 1309$-a (42.0 $/qram) kimi də güclənəcəyi proqnozlaşdırılır.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Məqalədə:
Xəbər lenti

Xəbər lenti