...

Sahil Babayevin Bərdədə vətəndaş qəbulunun vaxtı dəyişdirilib

İqtisadiyyat Materials 3 Dekabr 2018 13:15 (UTC +04:00)
Nazir Sahil Babayevin Bərdə rayonunda keçirəcəyi vətəndaş qəbulunun vaxtı dəyişdirilib
Sahil Babayevin Bərdədə vətəndaş qəbulunun vaxtı dəyişdirilib

Bakı. Trend:

Əmək və əhalinin sosial müdafiəsi naziri Sahil Babayevin Bərdə rayonunda keçirəcəyi vətəndaşları qəbul gününün tarixi dəyişdirilərək dekabrın 14-ə keçirilib.

Trend-in məlumatına görə, S.Babayev Bərdə rayonunda Bərdə, Tərtər, Ağcabədi rayonlarının sakinlərini fərdi qaydada qəbul edəcək. Qəbul zamanı vətəndaşların Əmək və Əhalinin Sosial Müdafiəsi Nazirliyinin səlahiyyət dairəsinə (sosial təminat növlərinə hüququn müəyyən edilməsi, əmək hüquqlarının müdafiəsi, sosial sığorta münasibətləri, tibbi-sosial ekspertiza və reabilitasiya, məşğulluğun təmin olunması, aktiv məşğulluq tədbirlərinə cəlb olunma və s.) aid müraciətləri cavablandırılacaq, müraciətlərdə əksini tapan məsələlərin həlli ilə əlaqədar müvafiq tədbirlər görüləcək.

Qəbula yazılmaq istəyən vətəndaşlar adını, soyadını, atasının adını, müraciətinin məzmununu, yaşadığı ünvanı və telefon nömrəsini göstərməklə Əmək və Əhalinin Sosial Müdafiəsi Nazirliyinə rəsmi şəkildə ([email protected] elektron ünvana və ya poçt vasitəsilə) müraciət edərək və ya 142-Çağrı mərkəzi ilə əlaqə saxlayaraq dekabrın 11-dək qəbula yazıla bilərlər.

Vətəndaşlar qəbula yazılmış şəxslərin əvvəlcədən tərtib edilmiş siyahısı əsasında qəbul ediləcəklər.

Məqalədə:
Xəbər lenti

Xəbər lenti