...

Qorxmaz Hüseynov: “Azərsu” qazdı, düzəltmədi" deyirlər, bizim asfalt təsərrüfatımız yoxdur

İqtisadiyyat Materials 7 Noyabr 2019 12:21 (UTC +04:00)
"Azərsu" Açıq Səhmdar Cəmiyyətinin sədri Qorxmaz Hüseynov Bakıda su xətlərinin təmiri zamanı yol qazıntılarının aparılması və bununla bağlı cəmiyyətdə müəyyən narahatlıqların olması məsələsinə münasibət bildirib.
Qorxmaz Hüseynov: “Azərsu” qazdı, düzəltmədi" deyirlər, bizim asfalt təsərrüfatımız yoxdur

Bakı. Elçin Mehdiyev - Trend:

"Azərsu" Açıq Səhmdar Cəmiyyətinin sədri Qorxmaz Hüseynov Bakıda su xətlərinin təmiri zamanı yol qazıntılarının aparılması və bununla bağlı cəmiyyətdə müəyyən narahatlıqların olması məsələsinə münasibət bildirib.

Trend-in məlumatına görə, Q.Hüseynov bildirib ki, qəza baş verən zaman mütləq yol qazılmalı və təmir işləri aparılmalıdır: “Cəmiyyətdə belə təəssürat yaranır ki, “Azərsu” yolu qazdı, təmir etməyib getdi. Ancaq elə deyil. Bizim asfalt təsərrüfatımız yoxdur. Ona görə də “Azərbaycan Avtomobil Yolları Dövlət Agentliyi” ilə müqaviləmiz var. Biz qəzanı aradan qaldırdıqdan sonra Agentlik həmin ərazidə asfaltı təmir edir. Bəzən elə olur ki, 2-3 kvadrat metr yeri qazırıq. Agentlyin da imkanı yoxdur ki, biz deyən kimi dərhal gəlib düzəltsin. Ola bilsin ki, bu proses 1-2 gün çəkir. Ona görə də cəmiyyətdə belə fikir formalaşır ki, “Azərsu” qazdı, düzəltmədi. Biz “Azərbaycan Avtomobil Yolları Dövlət Agentliyi” ilə ciddi koordinasiya ilə işləyirik. Bildiyim qədəri ilə Agentlik yeni texnikalar alıb ki, bu da təmir işlərini xeyli asanlaşdıracaq”.

Məqalədə:
Xəbər lenti

Xəbər lenti