...

2022-ci ilin dövlət büdcəsi riskləri olmayan və stabil büdcədir - Ziyafət Əsgərov

İqtisadiyyat Materials 11 Noyabr 2021 12:43 (UTC +04:00)
2022-ci ilin dövlət büdcəsi riskləri olmayan və stabil büdcədir - Ziyafət Əsgərov

Bakı. Elçin Mehdiyev - Trend:

2022-ci ilin dövlət büdcəsi riskləri olmayan bir büdcədir. Son illər büdcə stabilləşib və tarazlı hala gəlib.

Trend-in məlumatına görə, bunu Milli Məclisin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov Hüquq siyasəti və dövlət quruculuğu, Müdafiə, təhlükəsizlik və korrupsiya ilə mübarizə, İnsan hüquqları, Beynəlxalq münasibətlər və parlamentlərarası əlaqələr komitələrinin və İntizam komissiyasının birgə iclasında büdcəmüzakirələri zamanı deyib.

Z.Əsgərov bildirib ki, büdcə müzakirəsi müharibədən sonrakı bir dövrdə aparılsa da yenə də büdcə sosial yönümlüdür:

“Müharibədən sonra büdcəmizin tarazlı olması və ölkədə iqtisadi artımın qeydə alınması çox ciddi məsələdir. Müharibə bizə böyük vəsait hesabına başa gəlib, amma bununla belə Azərbaycanın bu cür büdcəsinin olması çox müsbət haldır. Büdcədə təhlükəsizlik məsələləri üçün kifayət qədər vəsait ayrılıb. Müdafiə və təhlükəsizlik üçün gələn il büdcədən 4,5 milyard manat nəzərdə tutulub. Biz bu vəsaitin digər istiqamətlərə ayrılmasını istərdik, amma nə edək ki, Ermənistan kimi qonşumuz var. Təhlükəsizlik orqanlarının fəaliyyəti həmişə yüksək səviyyədə olmalıdır”, - deyə Z.Əsgərov bildirib.

Qeyd edək ki, 2022-ci ildə Azərbaycan dövlət büdcəsinin gəlirləri, rəsmi proqnozlara əsasən, 2021-ci illə müqayisədə 5,4 faiz artaraq 26,82 milyard manat təşkil edəcək.

Dövlət büdcəsinin xərcləri isə gələn il 29,89 milyard manata bərabər olacaq. Bu, 2021-ci illə müqayisədə 4,7 faiz çoxdur.

Məqalədə:
Xəbər lenti

Xəbər lenti