Bakı. Trend:
2022-ci ilin yanvar-iyun aylarında sənaye müəssisələri və bu sahədə fəaliyyət göstərən fərdi sahibkarlar tərəfindən istehsal olunmuş malların və göstərilmiş xidmətlərin həcmi 2,1 faiz artaraq 42,2 milyard manat təşkil edib.
Trend-in
məlumatına görə, neft-qaz sektorunda məhsul istehsalı 0,6 faiz,
sənayenin qeyri neft-qaz sektorunda isə 11,5 faiz artıb. Sənaye
məhsulunun 75,7 faizi mədənçıxarma,
20,4 faizi emal, 3,4 faizi elektrik enerjisi, qaz və buxar
istehsalı, bölüşdürülməsi və təchizatı, 0,5 faizi isə su təchizatı,
tullantıların təmizlənməsi və emalı sektorlarında istehsal
olunub.
Sənayedə qeyri-dövlət sektorunun payı 88,5 faiz olub. Ümumi istehsalın 94,2 faizi sənaye məhsullarının istehsalı, 5,8 faizi isə sənaye xarakterli xidmətlərin göstərilməsi hesabına yaradılıb.