...

Bu il Mərakeşdən Türkiyə limanlarına 4 milyon tondan çox yük daşınıb

İqtisadiyyat Materials 23 Sentyabr 2022 10:06 (UTC +04:00)
Bu il Mərakeşdən Türkiyə limanlarına 4 milyon tondan çox yük daşınıb

Bakı. Trend:

2022-ci ilin yanvar-avqust aylarında Mərakeşdən Türk limanlarına 4 milyon 113 min 83 ton yük daşınıb.

Trend-in məlumatına görə, bu barədə TurkicWorld-a Türkiyənin Nəqliyyat və İnfrastruktur Nazirliyindən bildirilib.

Nazirlikdən verilən məlumata görə, Türkiyə bayrağı altında üzən gəmilər Mərakeşdən limanlara 261 min 723 ton, digər ölkələrin bayraqları altında üzən gəmilər isə 3 milyon 851 min 360 ton yük çatdırıb.

Bu müddət ərzində Mərakeş bayraqlı gəmilərlə Türkiyə limanlarına yük çatdırılımayıb. 2022-ci ilin yanvar-avqust aylarında Türkiyə limanlarına Mərakeşdən 210 min 520 ton tranzit yük daşınıb.

Qeyd edək ki, 2022-ci ilin avqust ayında Türkiyə limanları 33 milyon 443 min 563 ton yük qəbul edib. Bu dövr ərzində də Türkiyə bayrağı altında gəmilərlə daxili limanlara yük qəbulu 2 milyon 387 min 410 ton təşkil edib.

Türkiyə limanlarına digər ölkələrin bayraqları altında gəmilərlə yük daşınması 31 milyon 56 min 153 ton olub. Bununla yanaşı, 2022-ci ilin avqust ayında Türkiyə limanlarından 6 milyon 205 min 751 ton transit yük daşınıb.

Nazirlikdən verilən məlumata görə, 2022-ci ilin yanvar-avqust aylarında Türkiyə limanları 264 milyon 644 min 817 ton yük qəbul edib.

2022-ci ilin yanvar-avqust aylarında Türkiyə bayrağı altında gəmilərlə yük qəbulu 18 milyon 953 min 750 min ton təşkil edib. Digər ölkələrin bayraqları altında gəmilərlə isə Türkiyə limanlarına yükdaşımalar 245 milyon 691 min 67 ton təşkil edib.

Məlumatda bildirilib ki, 2022-ci ilin yanvar-avqust aylarında Türkiyə limanlarından 54 milyon 39 min 258 ton transit yük daşınıb.

Məqalədə:
Xəbər lenti

Xəbər lenti