...

Türkiyədə Qırğızıstan kapitallı şirkətlərin sayı artıb

İqtisadiyyat Materials 29 Noyabr 2022 14:39 (UTC +04:00)
Türkiyədə Qırğızıstan kapitallı şirkətlərin sayı artıb

Trend-i buradan izləyin

Bakı. Trend:

2022-ci ilin yanvar-oktyabr aylarında Türkiyədə Qırğızıstan kapitalı ilə 20 şirkət qeydiyyata alınıb ki, bu da 2021-ci ilin eyni dövrü ilə müqayisədə 7 şirkət çoxdur.

Trend xəbər verir ki, bu barədə TurkicWorld-a Türkiyə Ticarət və Sənaye Palatasından (TOBB) məlumat verilib.

Məlumatda qeyd olunur ki, hesabat dövründə, qeydiyyata alınan Qırğızıstan şirkətlərinin sayının artmasına baxmayaraq, onların ümumi kapıtalıazalıb.

“Hesabat dövründə Türkiyədə qeydiyyata alınan Qırğızıstan şirkətlərinin məcmu kapitalı 3,6 milyon türk lirəsi olduğu halda, 2021-ci ilin eyni dövründə bu rəqəm 3,9 milyon türk lirəsi təşkil edib”-deyə TOBB-dan bildirilib.

TOBB-dan o da qeyd olunub ki, 2022-ci ilin yanvar-oktyabr aylarında Qırğızıstan şirkətlərinin əksəriyyəti İstanbulda (17) qeydiyyata alınıb.

“İstanbulda qeydiyatdan keçən Qırğızıstan şirkətlərinin ümumi kapitalı 3 milyon türk lirəsi təşkil edib” –deyə TOBB-dan bildiriblər.

Qeyd olunub ki, 2022-ci ilin yanvar-oktyabr aylarında Türkiyədə Qırğızıstan kapitalı ilə 9 topdan və pərakəndə ticarət şirkəti qeydiyyata alınıb.

Qalan şirkətlər iqtisadiyyatın digər sahələrində iştirak edir.

Məqalədə:
Xəbər lenti

Xəbər lenti