Bakı. Trend:
"Youtube" şirkətinin həmtəsisçisi Steve Chen Bakıda keçiriləcək
"INMerge” Innovasiya Sammitına qatılacaq. Bundan əlavə, tədbirdə
“Genai Works” şirkətinin yaradıcısı Steve Nouri, “Nvidia”
şirkətinin biznes inkişafı üzrə rəhbəri Anton Dzhorayev, “Nestle”
şirkətinin innovasiya üzrə rəhbəri Gaelle Bou Abdo, “Vodafone”
şirkətinin region üzrə rəhbəri Johannes Hummes, “Amazon”
şirtkətinin vitse-prezidenti Werner Vogels, “Avito” şirkətinin
keçmiş baş marketing direktoru Maxim Kan, eləcə də "Paradox
Strategies" və "InnovationForce" şirkətlərinin qurucusu, Harvard
Biznes Məktəbinin professoru Linda Hill kimi spikerlar da iştirak
edəcəklər.
Onlarla yanaşı, ölkəmizdən Azərbaycanın iqtisadiyyat naziri Mikayıl
Cabbarov, rəqəmsal inkişaf və nəqliyyat naziri Rəşad Nəbiyev, “PAŞA
Holding”in baş icraçı direktoru Cəlal Qasımov və ekosistem üzrə baş
icraçı dirertor Fərid Məmmədov, “Kapital Bank”ın baş icraçı
direktoru Fərid Hüseynov, “PAŞA Bank”in İdarə heyəti sədrinin
müavini Bəhruz Nağıyev, “İnnovasiya və Rəqəmsal İnkişaf
Agentliyi”nin sədri İnarə Vəliyeva və“4SİM” icraçı direktoru Fariz
Cəfərov çıxış edəcəklər.
Qeyd edək ki, "INMerge” İnnovasiya Sammiti Bakıda 10-11 oktyabr
tarixlərində Bakı Konqres Mərkəzində keçiriləcək. Əlavə məlumat və
biletlərin əldə edilməsi üçün www.inmerge.az
saytına daxil olun.