Bakı. Trend:
2024-cü il ərzində satınalan təşkilatlardan Antiinhisar və İstehlak Bazarına Nəzarət Dövlət Xidmətinə daxil olmuş 15 min 704 yekun protokol təhlil edilib.
Trend-ə bu barədə Dövlət Xidmətindən məlumat verilib.
Məlumata görə, qanunvericiliyin tələblərinin pozulması halları aşkar olunmuş 2 min 259 yekun protokol Dövlət Xidməti tərəfindən ləğv edilib. Bu, ümumi təhlil edilən protokolların 14,4%-ni təşkil edir.
"Satınalma proseslərinin düzgün, şəffaf və qanuni əsaslarla həyata keçirilməsi istiqamətində Antiinhisar və İstehlak Bazarına Nəzarət Dövlət Xidməti tərəfindən görülən tədbirlər davam etdirilir", - məlumatda qeyd olunub.