Bakı. Trend:
Azərbaycan Dövlət Neft Şirkəti (SOCAR) Türkiyədə yerləşən "Gama Enerji İç Anadolu" elektrik stansiyasını (870 MVt) 225 milyon dollara əldə etməsi üzrə müqavilə imzalayıb.
Trend xəbər verir ki, müqavilə Bakıda keçirilən II Azərbaycan–Türkiyə İnvestisiya Forumu çərçivəsində imzalanıb.
Razılaşmaya əsasən, gücü 870 MVt olan elektrik stansiyasının 100% payı SOCAR-a məxsus olacaq. Sövdələşmənin dəyəri 225 milyon ABŞ dolları təşkil edir.
"Bu investisiya SOCAR-ın Türkiyədə enerji istehsalı sahəsində mövqelərini gücləndirməklə yanaşı, Azərbaycan və Türkiyə arasında strateji enerji əməkdaşlığının daha da dərinləşməsinə xidmət edir", - məlumatda qeyd edilib.