Azərbaycan, Bakı / Trend , müxbir U.İsmayılova/ "Emrah Sigorta" şirkəti Nizamnamə kapitalını 1 mln. manata qədər genişləndirməyi planlaşdırır. Bunun üçün sığorta barəsində yeni qanun layihəsi tələb olunur. Bu barədə cümə günü şirkət rəhbəri Şahin Məmmədov məlumat verib. İndi şirkətin Nizamnamə kapitalı 700 min manat təşkil edir.
Sentyabrın 18-də Azərbaycan Parlamentinin iqtisadi siyasət üzrə daimi komissiyasının iclasında sığorta haqqında qanun layihəsi birinci oxunuş üçün ölkə parlamentinin payız sessiyasına təqdim olunub.
"Emrah Sigorta" şirkəti "Emrah Bank"ın törəmə şirkətidir. İqtisadi İnkişaf Nazirliyinin məlumatına görə, ikinci rübdə şirkət haqları 0,22 mln. manat, sığorta ödəmələri isə 0,01 mln. manat təşkil edib.
