Azərbaycan, Bakı / Trend / Bu gün Vilnüsdə Azərbaycan Françayzinq Assosiasiyasının təşəbbüsü və GUAM-ın digər ölkələrinin Françayzinq Assosiasiyaları, həmçinin Litva Sənayeçilər Konfederasiyasının dəstəyi ilə "GUAM - Litva" biznes - forumu baş tutacaq. Bu barədə Azərbaycan Françayzinq Assosiasiyasından məlumat verilib.
Forum Azərbaycan, Gürcüstan, Ukrayna, Moldova və Litvanın iş adamları və sahibkarlarının iştirakı ilə, GUAM-ın yaranmasının 10 illiyi ilə bağlı tədbirlər çərçivəsində keçiriləcək.
Tədbirlər zamanı, həmçinin www.guamtimes.info internet portalının təqdimatı olacaq.
Biznes-forumda "GUAM+" Biznes- Klubunun yaradılması planlaşdırılır.
Klubun yaradılmasında əsas məqsəd dörd ölkə, həmçinin, GUAM Təşkilatı ilə sıx əməkdaşlıq edən ölkə sahibkarlarının yeni münasibətlərinin yaradılması və inkişafıdır.
Biznes-forumun keçirilməsi GUAM ölkələrinin Xarici İşlər Nazirlikləri tərəfindən dəstəklənir.