Azərbaycan, Bakı / Trend müxbir U.İsmaylova/ Azərbaycanın Standartlaşdırma, Metiorologiya və Patent üzrə Dövlət Agentliyi keyfiyyətsiz məhsul istehsalçıları üçün cərimə məbləğini artırmağı təklif edir. Bu barədə Dövlət Agentliyindən məlumat verilib.
Agentlikdə hesab edirlər ki, cərimənin məbləği keyfiyyətsiz məhsulun qiymətinə müvafiq olmalıdır.
İndi keyfiyyətsiz məhsul istehsal edən fiziki şəxslər üçün cərimə məbləği 40 şərti maliyyə vahidi, hüquqi şəxslər üçün isə 300 şərti maliyyə vahidi təşkil edir.
Məlumatda bildirilir ki, Azərbaycanın Standartlaşdırma, Metiorologiya və Patent üzrə Dövlət Agentliyi artıq keyfiyyətsiz məhsul istehsalçıları üçün cərimə məbləğinin artırılmasına dair təkliflər paketini Nazirlər Kabinetinə təqdim edib.