Azərbaycan, Bakı / Trend , müxbir A.Bədəlova/ Qiymətli Kağızlar üzrə Dövlət Komitəsinin məlumatında bildirilir ki, "Spektr IK" Məhdud Məsuliyyətli Cəmiyyəti istehsal etdiyi "Kukuruz" adlı qarğıdalı məmulatını QKDK-ya xəbər vermədən stimullaşdırıcı lotereya ilə satışa buraxıb. Lotereyalar haqqında qanunvericiliyin pozulmasının nəticəsi olaraq, şirkət 220 manat məbləğində cərimə olunub.
"Lotereyalar haqqında" qanuna əsasən, stimullaşdırıcı lotereyanın keçirilməsi barədə məlumatın 5 (beş) iş günü ərzində QKDK-ya təqdim edilməsi vacibdir. Bu haqda "Spektr IK" Məhdud Məsuliyyətli Cəmiyyətinə 10 sentyabr 2007-ci il tarixində Komitə tərəfindən məktub göndərilib, lakin MMC-dən QKDK-ya heç bir məlumat daxil olmayıb.