Azərbaycan, Bakı/ Trend , müxbir Ü.İsmayılova/ Sentyabr ayında Bakıda təkrar əmlak bazarında mənzillərin çox hissəsi Xətai tayonunda təklif olunub ki, bu da paytaxtın ümumi daşınmaz əmlak portfelinin 20,6 faizini təşkil edib. Bu barədə məlumat "Daşınmaz əmlak bazarının iştirakçıları" ictimai birliyinin məlumatında göstərilib. Nərimanov rayonunda təklif olunan daşınmaz əmlak ümumi portfelin 18,9 faizi, Yasamal rayonunda isə, 19,3 faizi həcmində olub. Sentyabr ayında bazarda təqribən 4 min mənzil təklif olunub.
Bakının rayonları üzrə daşınmaz əmlakın 1 kvadratmetrə görə qiymətləri aşağıdakı kimidir:
| Bakının rayonları | Qiymətlər hər kvadratmetr üçün dollarla göstərilib | Qiymətlərin artımı hər ay üçün faizlə göstərilib |
| Əzizbəyov | 810 | 5,7 |
| Binəqədi | 1293 | 1,2 |
| Qaradağ | 826 | 7,3 |
| Yasamal | 1480 | 1,2 |
| Nizami | 1295 | 3,2 |
| Nərimanov | 1620 | 4,5 |
| Nəsimi | 1512 | 3,8 |
| Sabunçu | 1171 | 1,3 |
| Suraxanı | 945 | 3,1 |
| Səbail | 1894 | 3,1 |
| Xətai | 1217 | 4,2 |
Sentyabr ayında təklif olunan ümumi portfeldəki mənzillərin 32 faizini, qiyməti 70 min dollardan 80 min dollara qədər olan mənzillər təşkil edib.
