Azərbaycan, Bakı/ Trend , müxbir S.Babayeva/ 2008-ci ildə Beynəlxalq sərgilərin Azərbaycandakı təşkilatçısı İteca Caspian Gəncədə-paytaxtdan sonra ölkənin ikinci böyük şəhərində xüsusiləşdirilmiş sərgi keçirəcək. Bu barədə bazar ertəsi şirkətin rəhbəri Fərid Məmmədov məlumat verib. "Bizim bu şəhərdəki birinci uğurumuzu nəzərə alıb, ikinci sərgi keçirmək qərarına gəldik" -Məmmədov bildirib. Marketinq araşdırmaları, Gəncə şəhəri İcra Hakimiyyəti ilə görüşlər və müəyyən sahələrin analizi yeni sərgiyə təlabat olduğunu göstərib. Məmmədovun sözlərinə görə, gələcəkdə Naxçıvanda da sərgi təşkil etməyi planlaşdırılır. "Muxtar Respublika rəhbərliyi Naxçıvanın infrastrukturu üzrə sərgi keçirilməsi təşəbbüsü ilə bizə müraciət edib"- şirkət rəhbəri bildirib. Onun sözlərinə görə, yaxın illərdə İteca Caspian-ın Azərbaycanın regionlarında sərgi keçirməyi planlaşdırmır. İteca Caspian İTE Group-un Qafqazda eksklüziv tərəfdaşıdır. Hər il şirkət Azərbaycan və Gürcüstanda 30 böyük xüsusiləşmiş sərgi və konfraslar keçirir. Sərgi və Konfranslar Neft və Qaz, Tikinti, Telekommunikasiya və İnformasiya Texnologiyaları, Nəqliyyat və Loqistika, Avtomobillər, Səhiyyə, Səyahət və Turizm, Poliqrafiya və Reklam, Mebel və İnteryer, Moda və Geyim, İdman və İstirahər və digər sahələr üzrə keçirilir.
...
