Azərbaycan, Bakı / Trend , müxbir Ü.İsmayılova/ Türkiyənin "CNK BROKER" broker şirkətinin vitse-prezidenti Cenk Babadoğan cümə axşamı Bakıda bildirib ki, şirkət neft və energetika risklərinin təkrar sığortası sahəsində Azərbaycanın sığorta şirkətləri ilə əməkdaşlıq etmək niyyətindədir.
"Türkiyənin sığorta bazarı Azərbaycanın sığorta bazarına daxil olmaq niyyətindədir" - deyə Babadoğan bildirib.
Onun sözlərinə görə, iri neft və energetika riskləri ilə yanaşı, şirkət təkrar sığortanın və Azərbaycanda geniş yayılmış sığorta növlərinin inkişafına kömək göstərəcək.
"CNK BROKER" Türkiyənin iri sığorta şirkətlərində təkrar sığortanın inkişafına köməklik edən təkrar sığorta şirkətlərindən biridir.
Azərbaycanda 29 Sığorta Şirkəti fəaliyyət göstərir.