...

BVF-nin Azərbaycanda inflyasiyanın hesablanması üsullarını qiymətləndirəcək ekspertlərinin Bakıya səfərinin tarixi açıqlanıb

Biznes və iqtisadiyyat xəbərləri Materials 14 Dekabr 2007 17:23 (UTC +04:00)

Azərbaycan, Bakı / Trend , müxbir Ü.İsmayılova/ Dövlət Statistika Komitəsinin rəhbəri Arif Vəliyevin cümə günü verdiyi məlumata görə, Beynəlxalq Valyuta Fondunun (BVF) ekspertləri istehlakçı qiymətləri indeksinin hesablanmasının ümumi metodologiyasını qiymətləndirmək üçün yanvarın 21-də Azərbaycana gələcəklər.

Səfərin tarixi bir neçə dəfə dəyişdirilib. Fondun Bakı nümayəndəliyindən bundan öncə verilən məlumata görə, metodologiyanın beynəlxalq təcrübə əsasında qiyməltəndirilməsi üçün Fond Azərbaycana ekspert Ann Şelli Vinstonu (Ann Shelly Winston) göndərəcək.

Vəliyev deyib ki, 2007-c il dekabrın 1-nə olan son məlumata görə, yanvar-noyabr ayları ərzində inflyasiyanın artım sürəti 16,4% təşkil edib.

Xəbər lenti

Xəbər lenti