Azərbaycan, Bakı / Trend müxbir S.Babayeva / Naxçıvan Muxtar Respublikasının Bakıdakı daimi nümayəndəliyindən cümə axşamı verilən məlumata görə, 2007-ci ilin dekabrı üçün Muxtar Respublikanın 184,5 min nəfər iqtisadi cəhətdən fəal əhalisinin 178,7-i işlə təmin olunub.
"Bu dövr ərzində Muxtar Respublikanın məşğulluq orqanları tərəfindən 2 min nəfər işlə təmin olunub" - deyə NMR-in nümayəndəliyindən bildiriblər.
NMR-də işsizlik üzrə müavinətin orta məbləği 46,6 manat təşkil edib ki, bu da iqtisadiyyat sahəsində çalışan əhalinin orta əmək haqqının 30,7%-ni təşkil edir.
Yanvar-noyabr aylarında NMR-də 4,5 mindən çox iş yeri yaradılıb ki, bu iş yerlərinin 2,8 mini daimidir. Yaradılan iş yerlərinin 36%-i dövlət sektorunun, 60%-dən çoxu isə özəl sektorun payına düşür.